Moriarti Prod.

Orain dela hilabete batzuetatik, gutxienez sei, esperimentu bat egiten aritu naiz argazki batekin. Egutegi bateko argazki zahar bat zen, txuri beltzean egina. Nik zaharkituagoaren itxura eman nahi nion argazkiari eta photoshopa erabili beharrean era naturalean zahartzea erabaki nuen.

Zergatik? Ba ez dakit, esperimentatzeagatik, edo horrelako tontakeriak egitearen zale naizelako, edo alferkeriagatik, edo nork daki zergatik. Nik neuk ere ez dakit.

Argazkia kotxeko atzealdean jarria eduki dut hilabete hauetan eta eguzkiak egunero jo du kristal azpitik. Horrela ba, argazkia zaharkitu egin da. Honela zegoen lehen argazkia:

Eta honela geratu da orain argazkia:

Kontua da argazkia dokumental baterako erabili nahi dudala eta azkenean ez dut ez argazki orijinala eta ezta naturalki manipulatutakoa erabiliko. Ez bat ez bestea. Argazki orijinalean jatorria duen naturalki manipulatutako argazkiaren manipulazio artifizial bat erabiliko dut. Argazki hau:

Zergatik erabiliko dudan argazki hau? Ba agian argazki hau beharrezkoa zen prozesu baten emaitza baino ez delako. Prozesu luzeek pentsatzeko denbora asko ematen dute eta hori txarra izan daitekeen arren, gauza ona izaten da gehienetan.

Dena den, pentsatzen jarrita agian ez dut argazkia dokumentalean erabiliko. Edo agian bai. Prozesatu egin behar dut. Prozesatzen jarraitu beharko nuke. 

Esta entrada fue publicada el Lunes, 11 de Junio de 2007 a las 20:42 y está clasificada bajo: General. Puede hacer un seguimiento de los comentarios de esta entrada gracias al feed RSS 2.0. Puede dejar un comentario, o enviar un trackback desde su sitio.